టాలీవుడ్ మోస్ట్ లవబుల్ సీనియర్ హీరో విక్టరీ వెంకటేష్ హీరోగా తన హిట్ దర్శకుడు అనీల్ రావిపూడితో ఇప్పుడు హ్యాట్రిక్ సినిమా చేస్తున్న సంగతి తెలిసిందే. రెండు సాలిడ్ కామెడీ ఎంటర్టైనర్ చిత్రాలు తర్వాత వీరి కాంబినేషన్ నుంచి ఇప్పుడు ఒక యాక్షన్ థ్రిల్లర్ రాబవుతుంది. దీనితో ఈ సినిమాపై కూడా మంచి బజ్ నెలకొనగా రీసెంట్ గానే ఈ చిత్రం షూటింగ్ కూడా మొదలైంది. మరి ఈ సినిమాలో ప్రముఖ వెర్సటైల్ నటుడు సాయి కుమార్ కూడా నటిస్తున్నట్టుగా అనీల్ రావిపూడి సినిమా సెట్స్ నుంచి ఓ పిక్ తో పోస్ట్ చేశారు.
నేడు సాయి కుమార్ పుట్టినరోజు సందర్భంగా తనకి శుభాకాంక్షలు తెలియజేస్తూ ఇండస్ట్రీలో మరెన్నో ఏళ్ళు మీ సేవలు అందించాలని కోరుకుంటున్నాను అంటూ తెలిపారు. మరి ఈ చిత్రంలో సాయి కుమార్ అయితే హెడ్ కానిస్టేబుల్ గా నటిస్తున్నట్టుగా కనిపిస్తున్నారు. మరి ఆల్రెడీ అనీల్ తో సాయి కుమార్ గతంలో “రాజా ది గ్రేట్” కి వర్క్ చేసిన సంగతి తెలిసిందే. ఇప్పుడు ఈ సినిమాతో మరోసారి కలిసి పని చేస్తున్నారు. ఇక ఈ సినిమాలో తన పాత్ర ఎలా ఉంటుందో చూడాలి.
