యువ సామ్రాట్ నాగ చైతన్య పొలిటికల్ యాక్షన్ డ్రామా ‘బెజవాడ’. చిత్ర వర్గాల సమాచారం ప్రకారం ఈ సినిమా సెన్సార్ కార్యక్రమం రేపుసాయంత్రానికి పూర్తి అయ్యే అవకాశం ఉంది. రాం గోపాల్ వర్మ శిష్యుడు వివేక్ కృష్ణ ఈ చిత్రానికి దర్శకత్వం వహిస్తున్నారు. రామ్ గోపాల్ వర్మ మరియూ కిరణ్ కుమార్ కోనేరు ఈ సినిమాను సంయుక్తంగా నిర్మిస్తున్నారు.
అమల పాల్ ఈ సినిమాలో హీరోయిన్ గా నటిస్తోంది. ఇటీవల విడుదలైన ఈ చిత్ర ఆడియో లోని కొన్ని పాటలు శ్రోతల మనసులు బాగా రంజింప చేస్తున్నాయి. 1990 లో విజయవాడ నగరంలో జరిగిన కుల రాజకీయాల నేపద్యంతో సాగే ఈ చిత్రం పై ఇప్పటికే ప్రజల్లో విశేష ఉత్సుకత నెలకొంది. ఈ సినిమా వస్తోందని తెలిసిన తొలి రోజునుంచే ఈ సినిమా పై చర్చ మొదలైంది. విపరీతమైన విమర్శలు తలెత్తడంతో ఈ సినిమా టైటిల్ ను బెజవాడ రౌడీలు నుంచి ‘బెజవాడ’ గా మార్పుచేశారు.
ఈ చిత్ర ట్రైలర్స్ ను చూస్తే హింస మోతాదు అధికంగా నే కనిపిస్తుండటంతో కొన్ని సన్నివేశాలు తొలగించే అవకాశం కనిపిస్తోంది. మొత్తానికి A రేటింగ్ గాని U / A సర్టిఫికేట్ గాని ‘బెజవాడ’ కు లభించే సూచన ఉంది.