త‌మిళ స్టార్ హీరో క‌మ‌ల్ హాస‌న్ న‌టిస్తున్న ప్రెస్టీజియ‌స్ సీక్వెల్ మూవీ ‘ఇండియ‌న్-2’ కోసం ప్రేక్ష‌కులు ఎంత ఆస‌క్తిగా ఉన్నారో ప్ర‌త్యేకంగా చెప్ప‌క్క‌ర్లేదు. ద‌ర్శ‌కుడు శంక‌ర్ తెర‌కెక్కిస్తున్న ఈ మూవీ ఇండియ‌న్ బాక్సాఫీస్ ను ఎలా షేక్ చేస్తుందా అని అంద‌రూ ఆస‌క్తిగా చూస్తున్నారు. ఇక ఈ సినిమాలో సేనాప‌తి పాత్ర‌లో మరోసారి క‌మ‌ల్ త‌న న‌టవిశ్వ‌రూపాన్ని చూపించ‌డం ఖాయ‌మని అభిమానులు ధీమా వ్య‌క్తం చేస్తున్నారు.
ఇక ఈ సినిమాను జూలై 12న రిలీజ్ చేస్తున్నట్లు ఇప్ప‌టికే మేక‌ర్స్ అనౌన్స్ కూడా చేశారు. దీంతో ఈ సినిమాకు సంబంధించిన ట్రైల‌ర్ ను రిలీజ్ చేసేందుకు వారు సిద్ధ‌మ‌వుతున్నారు. తాజాగా ఈ చిత్ర ట్రైల‌ర్ సెన్సార్ ప‌నులు ముగించుకుంది. ‘ఇండియ‌న్-2’ ట్రైల‌ర్ 2 నిమిషాల 36 సెక‌న్లుగా కట్ చేశారు మేక‌ర్స్.
ఈ ట్రైల‌ర్ ను జూన్ 25న ముంబైలో నిర్వ‌హించే ఓ ఈవెంట్ లో రిలీజ్ చేసేందుకు మేక‌ర్స్ ప్లాన్ చేస్తున్నారు. ఈ సినిమాలో సిద్ధార్థ్, ర‌కుల్ ప్రీత్ సింగ్, కాజ‌ల్ అగ‌ర్వాల్ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. అనిరుధ్ ర‌విచంద‌ర్ సంగీతం అందిస్తున్న ఈ సినిమాను లైకా ప్రొడ‌క్ష‌న్స్ భారీ బ‌డ్జెట్ తో ప్రొడ్యూస్ చేస్తోంది.
