పవర్ స్టార్ పవన్ కళ్యాణ్ ప్రధాన పాత్రలో, యంగ్ అండ్ టాలెంటెడ్ డైరెక్టర్ సుజీత్ దర్శకత్వంలో తెరకెక్కుతున్న గ్యాంగ్ స్టర్ డ్రామా ఓజి పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. పవన్ కళ్యాణ్ చాలా గ్యాప్ తర్వాత చేస్తున్న స్ట్రెయిట్ మూవీ ఇది. మ్యూజికల్ సెన్సేషన్ థమన్ సంగీతం అందిస్తున్న ఈ చిత్రంలో ప్రియాంక మోహన్ హీరోయిన్ గా నటిస్తుండగా, ఇమ్రాన్ హష్మీ, అర్జున్ దాస్, శ్రియా రెడ్డి తదితరులు కీలక పాత్రల్లో కనిపించనున్నారు.
పవన్ కళ్యాణ్ పుట్టిన రోజు అయిన సెప్టెంబర్ 2 త్వరలో రాబోతుంది. ఈ లోగా ఈ చిత్రం నుండి ఏదైనా అప్డేట్ వస్తుంది అని అభిమానులు ఎంతో ఆసక్తిగా ఎదురుచూస్తున్నారు. అయితే ఈ చిత్రం నుండి ఫస్ట్ సింగిల్ రిలీజ్ కానున్నట్లు సమాచారం. దీనిపై ఇంకా అధికారిక ప్రకటన రావాల్సి ఉంది. మరొక పక్క ఫ్యాన్స్ మాత్రం, ఈ క్రేజీ అప్డేట్ కోసం ఎదురు చూస్తున్నారు. ఎలాంటి అప్డేట్ వచ్చినా, సోషల్ మీడియాను షేక్ చేయాలని, బాగా సెలబ్రేట్ చేసుకోవాలని భావిస్తున్నారు. మేకర్స్ ఎలాంటి అప్డేట్ ను ఇస్తారో చూడాలి.