స్టార్ డైరెక్టర్ అనీల్ రావిపూడి చివరిగా భగవంత్ కేసరి మూవీ తో సూపర్ హిట్ ను సొంతం చేసుకున్నారు. ఈ డైరెక్టర్ తదుపరి స్టార్ హీరో వెంకటేష్ తో సినిమా చేయనున్నారు. F2, F3 చిత్రాలతో వీరు ఆడియెన్స్ ను బాగా అలరించారు. ఇప్పుడు మరోసారి వీరి కాంబినేషన్ పై అందరిలో ఆసక్తి నెలకొంది. అయితే ఈ సినిమా లో హీరోయిన్ గా త్రిష నటించనుంది అంటూ పలు వార్తలు వస్తున్నాయి. గతంలో వెంకటేష్ మరియు త్రిష కాంబినేషన్ లో ఆడవారి మాటలకు అర్థాలే వేరులే, బాడీగార్డ్, నమో వెంకటేశ చిత్రాలు వచ్చాయి. ఈ చిత్రాలు ఆడియెన్స్ ను బాగా అలరించాయి.
ఇప్పుడు మరోసారి ఈ హిట్ కాంబినేషన్ రిపీట్ కానుంది అంటూ వార్తలు వస్తున్నాయి. అయితే వీటిలో ఎలాంటి వాస్తవం లేదు. ఇంకా హీరోయిన్ కన్ఫర్మ్ కాలేదు అని చెప్పాలి. ఈ చిత్రం కి సంబందించిన మరిన్ని వివరాలు త్వరలో వెల్లడి కానున్నాయి. త్రిష ఇటీవల లియో చిత్రం తో బ్లాక్ బస్టర్ సక్సెస్ ను అందుకుంది. త్రిష తదుపరి చిరంజీవి ప్రధాన పాత్రలో నటిస్తున్న విశ్వంభర లో కనిపించనుంది.
