“విడా ముయార్చి” టీమ్ పిక్స్ రిలీజ్ చేసిన త్రిష!

కోలీవుడ్ స్టార్ హీరో అజిత్ పలు ఆసక్తికర చిత్రాలతో కెరీర్ లో దూసుకు పోతున్నాడు. తదుపరి విడా ముయార్చి చిత్రంలో కనిపించనున్నాడు. మగిజ్ తిరుమేని దర్శకత్వంలో తెరకెక్కుతున్న ఈ యాక్షన్ థ్రిల్లర్ లో త్రిష, అర్జున్ సర్జా, అరవ్, రెజీనా కాసాండ్రా లు కీలక పాత్రల్లో కనిపించనున్నారు. శరవేగంగా ఈ చిత్రం షూటింగ్ ను జరుపుకుంటుంది. తాజాగా టీమ్ విడా ముయార్చి ఫోటోలను హీరోయిన్ త్రిష సోషల్ మీడియాలో షేర్ చేశారు.

సినిమాలోని ప్రధాన నటీనటులు ఈ ఫోటోల్లో కనిపిస్తున్నారు. త్రిష షేర్ చేసిన ఈ ఫోటోలు కొద్ది సేపటికే సోషల్ మీడియాలో వైరల్ గా మారాయి. లైకా ప్రొడక్షన్స్ పతాకంపై సుభాస్కరన్ నిర్మిస్తున్న ఈ చిత్రానికి రాక్ స్టార్ అనిరుధ్ రవి చందర్ సంగీతం అందిస్తున్నాడు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.