స్టార్ హీరోయిన్ త్రిష కృష్ణన్ వరుస చిత్రాలతో బిజీగా ఉన్నారు. ఈ నటి బృందా వెబ్ సిరీస్ తో డిజిటల్ రంగంలోకి అడుగు పెట్టింది. సూర్య మనోజ్ వంగల రచన మరియు దర్శకత్వం వహించిన ఈ సిరీస్ ఓటిటి ప్లాట్ ఫామ్ అయిన సోనీ LIV లోకి అడుగు పెట్టింది. ఈ వెబ్ సిరీస్ తెలుగులో మాత్రమే కాకుండా, హిందీ, తమిళం, కన్నడ, మరాఠీ భాషల్లో కూడా స్ట్రీమింగ్ కి అందుబాటులో ఉంది.
ఈ సిరీస్ ను చూడాలనుకునే వారు ఈ భాషలతో పాటుగా, ఇంగ్లీష్ సబ్ టైటిల్స్ తో చూడవచ్చు. ఈ క్రైమ్ థ్రిల్లర్ మొత్తం 8 ఎపిసోడ్ లను కలిగి ఉంది. ప్రతి ఒక్క ఎపిసోడ్ కూడా 40 నిమిషాలకి పైగా నిడివితో ఉంది. బృందాలో హీరోయిన్ త్రిష సస్పెండ్ అయిన పోలీసు అధికారిగా నటించింది. ఇంద్రజిత్ సుకుమారన్, జయ ప్రకాష్, ఆమని, రవీంద్ర విజయ్, ఆమని, ఆనంద్‌ సామి, రాకేందు మౌళి ఈ సిరీస్ లో కీలక పాత్రలు పోషించారు. యాడ్డింగ్ అడ్వర్టైజింగ్ ఎల్‌ఎల్‌పి బ్యానర్‌పై కొల్లా ఆశిష్ నిర్మించిన ఈ సిరీస్ కి శక్తి కాంత్ కార్తీక్ సంగీతం అందించారు.