నందమూరి బాలకృష్ణ తొలిసారిగా వ్యాఖ్యాత గా వ్యవహరిస్తున్న షో అన్ స్టాపబుల్ విత్ ఎన్బీకే. ఆహా వీడియో లో ప్రసారం అవుతున్న ఈ కార్యక్రమం కి ఒక రేంజ్ లో రెస్పాన్స్ వస్తోంది. సినీ పరిశ్రమ కి చెందిన పలువురు ప్రముఖులు ఈ కార్యక్రమం కి హాజరు అయ్యి ప్రేక్షకులను, అభిమానులను విశేషంగా ఆకట్టుకున్నారు. ఫన్ అన్ లిమిటెడ్ తో ఈ కార్యక్రమం తెలుగు నాట సెన్సేషన్ క్రియేట్ చేస్తుంది.
తాజాగా ఈ షో కి IMDB టాప్ 10 లో ఉన్నట్లు తెలుస్తోంది. టాప్ 10 రియాలిటీ టీవీ, టాక్ షో కేటగిరీ లో ఈ అన్ స్టాపబుల్ ఉన్నట్లు తెలుస్తోంది. ఈ షో లో ఇంకా ప్రసారం కావాల్సిన ఎపిసొడ్ లు చాలానే ఉన్నాయి. 9.2 రేటింగ్ తో టాప్ 10 లో నిలవడం పట్ల అభిమానులు సంతోషం వ్యక్తం చేస్తున్నారు. బాలయ్య అడుగు వేస్తే ఎక్కడైనా రికార్డు లే అంటూ చెప్పుకొస్తున్నారు.
