నటసింహం నందమూరి బాలకృష్ణ ప్రస్తుతం అనిల్ రావిపూడి దర్శకత్వంలో తెరకెక్కుతోన్న భగవంత్ కేసరి మూవీలో హీరోగా నటిస్తున్నారు. ఇప్పటికే టీజర్, సాంగ్స్, ట్రైలర్ తో అందరినీ ఆకట్టుకున్న ఈ మూవీ పై అందరిలో మంచి అంచనాలు ఏర్పడ్డాయి. కాజల్ అగర్వాల్ హీరోయిన్ గా నటించిన ఈ మూవీలో బాలకృష్ణ కూతురి పాత్రలో శ్రీలీల కనిపించనుండగా విలన్ గా బాలీవుడ్ యాక్టర్ అర్జున్ రామ్ పాల్ కనిపించనున్నారు.
అక్టోబర్ 19న ఈ మూవీ ఆడియన్స్ ముందుకి రానుంది. మరోవైపు ఇటీవల ప్రముఖ ఓటిటి మాధ్యమం ఆహా లో అన్ స్టాపబుల్ రెండు సీజన్స్ లో తన అద్భుత హోస్టింగ్ టాలెంట్ తో అదరగొట్టిన బాలకృష్ణ అతి త్వరలో సీజన్ 3 ద్వారా ఆడియన్స్ ముందుకి రాబోతున్నారు. అయితే మ్యాటర్ ఏమిటంటే, దసరా నుండి లాంచ్ కానున్న ఈ తాజా సీజన్ యొక్క ఫస్ట్ ఎపిసోడ్ కి భగవంత్ కేసరి టీమ్ స్పెషల్ గా రానున్నట్లు తెలుస్తోంది.
ముఖ్యంగా ఈ ఫస్ట్ ఎపిసోడ్ లో సినిమా టీమ్ చేసే సందడి అదిరిపోనుందని అంటున్నారు. మొత్తంగా సీజన్ 3 కోసం ఆడియన్స్ ఎంతో ఆసక్తికరంగా ఎదురుచూస్తుండగా గత రెండు సీజన్స్ ని మించేలా ఆహా వారు దీనిని మరింత గ్రాండ్ గా ప్లాన్ చేసినట్లు సమాచారం. త్వరలో అన్ స్టాపబుల్ సీజన్ 3 గురించి అఫీషియల్ అనౌన్స్ మెంట్ రానుంది.
