కన్నడ స్టార్ హీరో ఉపేంద్ర నటిస్తున్న లేటెస్ట్ మూవీ ‘యూఐ’ కోసం ప్రేక్షకులు ఆసక్తిగా చూస్తున్నారు. ఈ చిత్రాన్ని ఉపేంద్ర స్వీయ దర్శకత్వం చేస్తుండటంతో ఈ సినిమా ఎలా ఉండబోతుందా అని అందరూ ఆతృతగా చూస్తు్న్నారు. ఇక ఇప్పటికే ఈ మూవీ నుండి రిలీజ్ అయిన ప్రమోషనల్ కంటెంట్‌కు మంచి రెస్పాన్స్ దక్కింది.
అయితే, ఇఫ్పుడు ఈ సినిమా టీజర్‌ని రిలీజ్ చేసేందుకు చిత్ర యూనిట్ రెడీ అయ్యింది. ఈ మూవీ టీజర్‌ని డిసెంబర్ 2న ఉదయం 11.07 గంటలకు గ్రాండ్ రిలీజ్ చేసేందుకు చిత్ర యూనిట్ సిద్ధమవుతోంది. ఈ మేరకు ఓ అనౌన్స్‌మెంట్ పోస్టర్‌ను రిలీజ్ చేశారు. ఈ సినిమాతో బాక్సాఫీస్ దగ్గర మరోసారి తనదైన మార్క్ వేసుకునేందుకు ఉపేంద్ర రెడీ అవుతున్నాడు.
ఈ సినిమాను సైకలాజికల్ యాక్షన్ థ్రిల్లర్‌గా చిత్ర యూనిట్ రూపొందిస్తోంది. ఇక ఈ సినిమాలో రీష్మ ననైయ, సన్నీ లియోన్, జిషు సేన్‌గుప్త, మురళీ శర్మ తదితరులు ఇతర ముఖ్య పాత్రల్లో నటిస్తున్నారు. ఈ చిత్రానికి అజనీష్ లోక్‌నాథ్ సంగీతం అందిస్తుండగా జి.మనోహరన్, కె.పి.శ్రీకాంత్ ప్రొడ్యూస్ చేస్తున్నారు. ఈ సినిమాను డిసెంబర్ 20న పాన్ ఇండియా స్థాయిలో రిలీజ్ చేసేందుకు మేకర్స్ రెడీ అవుతున్నారు.