గాడ్ ఆఫ్ మాసెస్ నందమూరి బాలకృష్ణ నటించిన రీసెంట్ మూవీ ‘డాకు మహారాజ్’ సంక్రాంతి కానుకగా రిలీజ్ అయ్యి బాక్సాఫీస్ దగ్గర సన్సేషనల్ హిట్‌గా నిలిచింది. ఈ సినిమాను దర్శకుడు బాబీ డైరెక్ట్ చేశాడు. పూర్తి యాక్షన్ ఎంటర్‌టైనర్‌గా తెరకెక్కిన ఈ సినిమాకు థమన్ సంగీతం అందించాడు. ఇక ఈ సినిమాలో ప్రగ్యా జైస్వాల్, శ్రద్ధా శ్రీనాథ్, ఊర్వశి రౌటేలా తదితరులు ఇతర ముఖ్య పాత్రల్లో నటించారు.
ఇక ఈ సినిమాలో బాలకృష్ణ, ఊర్వశి రౌటేలా పై ‘దబిడి దిబిడి’ అనే మాస్ సాంగ్ ఉంది. అయితే, ఈ సాంగ్‌లోని స్టెప్స్‌పై ఇటీవల సోషల్ మీడియాలో పెద్ద చర్చ సాగింది. బాలయ్య, ఊర్వశి తో చేసిన ఈ స్టెప్పులు అభ్యంతరకరంగా ఉన్నాయంటూ పలువురు కామెంట్స్ చేశారు. ఈ కామెంట్స్‌పై ఊర్వశి రౌటేలా తాజాగా రియాక్ట్ అయ్యింది.
ఈ పాటలో తనకేమి అభ్యంతరకరమైన స్టెప్స్ ఉన్నట్లు అనిపించలేదని.. తాను ఈ పాటను ముందుగా రిహార్సల్ చేశానని.. శేఖర్ మాస్టర్‌తో తాను ఇంతకు ముందు కూడా వర్క్ చేశానని ఆమె చెప్పుకొచ్చింది. ఈ పాటలోని స్టెప్పులపై నెగెటివ్ కామెంట్స్ రావడం చూసి తాను షాక్ అయ్యానని ఊర్వశి పేర్కొంది.