టాలీవుడ్ దర్శకుడు కె.విజయ్ భాస్కర్ తెరకెక్కించిన రీసెంట్ మూవీ ‘ఉషా పరిణయం’ ఆగస్టు 2న గ్రాండ్‌గా రిలీజ్ అయ్యింది. ఈ సినిమాలో ఆయన కుమారుడు శ్రీకమల్ హీరోగా నటించగా, తాన్వి ఆకాంక్ష హీరోయిన్‌గా నటించింది. సీరత్ కపూర్ స్పెషల్ సాంగ్‌లో కనిపించింది. రొమాంటిక్ ఎంటర్‌టైనర్‌గా తెరకెక్కిన ఈ సినిమా బాక్సాఫీస్ దగ్గర డీసెంట్ మూవీగా నిలిచింది. అయితే, ఈ సినిమా ఓటీటీ డేట్ ఎట్టకేలకు లాక్ అయ్యింది.
ప్రముఖ ఓటీటీ ప్లాట్‌ఫామ్ ఈటీవీ విన్ ఈ చిత్రానికి సంబంధించిన స్ట్రీమింగ్ రైట్స్‌ను దక్కించుకుంది. ఇక ఈ ‘ఉషా పరిణయం’ చిత్రాన్ని నవంబర్ 14 నుండి ఓటీటీ స్ట్రీమింగ్ చేయనున్నట్లు అధికారికంగా ప్రకటించారు. ఈ సినిమా ఓటీటీ ఆడియెన్స్‌ను ఖచ్చితంగా ఆకట్టుకుంటుందని మేకర్స్ భావిస్తున్నారు.
