ఈ సెప్టెంబర్ లో రిలీజ్ కి రాబోతున్న లేటెస్ట్ చిత్రాల్లో యంగ్ హీరో దిలీప్ ప్రకాష్ అలాగే నటి రెజీనా కాసాండ్రా హీరోయిన్ గా దర్శకుడు అర్జున్ సాయి తెరకెక్కించిన ఎమోషనల్ డ్రామా “ఉత్సవం”. మరి లెజెండరీ నటీనటులు బ్రహ్మానందం, రాజేంద్రప్రసాద్, నాజర్, ప్రకాష్ రాజ్, ప్రేమ లాంటి వారి కలయికలో వస్తున్నా ఈ చిత్రం నుంచి మేకర్స్ తాజాగా వదిలిన ట్రైలర్ ఆకట్టుకునే విధంగా ఉందని చెప్పాలి.
హాస్య బ్రహ్మ బ్రహ్మానందం నుంచి అద్భుతమైన డైలాగ్ తో మొదలై ప్రస్తుత రోజుల్లో నాటకాలు వేసే వారిపై సన్నివేశాలు మంచి ఎమోషన్స్ తో కనిపిస్తున్నాయి అని చెప్పాలి. అలాగే హీరో హీరోయిన్ మధ్య తమ ప్రేమ, ఆ క్రమంలో కలిగే కలహాలు దర్శకుడు డీసెంట్ గా ప్రెజెంట్ చేసినట్టుగా అనిపిస్తుంది. అలాగే అనూప్ రూబెన్స్ ఇచ్చిన స్కోర్ మాత్రం సినిమాలో బాగా ప్లస్ అయ్యేలా కనిపిస్తుంది. తన నుంచి మంచి రిఫ్రెషింగ్ ట్యూన్స్ మరియు నేపథ్య సంగీతం ఇందులో ఉన్నట్టు అనిపిస్తున్నాయి. మరి ఈ చిత్రాన్ని మేకర్స్ ఈ సెప్టెంబర్ 13 రిలీజ్ కి సిద్ధం చేయగా సురేష్ పాటిల్ నిర్మాణం వహించారు.
