ప్రముఖ నటి రితికా సింగ్, శ్రీరామ్ ప్రధాన పాత్రల్లో, మృతిక సంతోషిని దర్శకత్వంలో తెరకెక్కిన హార్రర్ థ్రిల్లర్ వళరి. ఈ చిత్రం ఈటీవీ విన్ లో డైరెక్ట్ డిజిటల్ గా ప్రవేశించి ప్రేక్షకుల నుండి మంచి రెస్పాన్స్ ను సొంతం చేసుకుంది. ఈ చిత్రం ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకుల ముందుకు వచ్చేందుకు సిద్ధం అవుతోంది.
ఈ చిత్రం యొక్క శాటిలైట్ హక్కులను కలిగి ఉన్న ఈటీవీ తెలుగులో వచ్చే ఆదివారం రోజున ఉదయం 10:00 గంటలకు ప్రసారం కానుంది. సత్య సాయి బాబా నిర్మాతగా వ్యవహరించిన ఈ చిత్రానికి టీఎస్ విష్ణు మరియు హరి గౌర లు సంగీతం అందించారు. సుజాత సిద్దార్థ్ సినిమాటోగ్రాఫర్ గా వ్యవహరించగా, తమ్మిరాజు ఎడిటర్ గా పని చేశారు. డిజిటల్ గా డీసెంట్ రెస్పాన్స్ ను సొంతం చేసుకున్న ఈ సినిమా, బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.