మెగా డాటర్ నిహారిక కొణిదెల నిర్మించిన తాజా చిత్రం ‘కమిటీ కుర్రోళ్ళు’ షూటింగ్ పనులు ముగించుకుని రిలీజ్‌కు రెడీ అయ్యింది. ఈ సినిమాను యదు వంశీ డైరెక్ట్ చేస్తుండగా పూర్తి యూత్‌ఫుల్ ఎంటర్‌టైనర్‌గా ఈ సినిమా రానుంది. ఇక ఈ సినిమాలో చాలా మంది యాక్టర్స్ నటిస్తుండగా, వారిలో కొత్తవారే ఎక్కువ. ఇప్పటికే రిలీజ్ అయిన ఈ చిత్ర పోస్టర్స్, టీజర్, ట్రైలర్, సాంగ్స్ ఈ సినిమాపై ప్రేక్షకుల్లో మంచి బజ్‌ను క్రియేట్ చేశాయి. ఆగస్గ్ 9న ఈ సినిమాను ప్రపంచవ్యాప్తంగా గ్రాండ్ రిలీజ్ చేసేందుకు మేకర్స్ రెడీ అవుతున్నారు.
కాగా, ఈ సినిమా డిస్ట్రిబ్యూషన్ రైట్స్‌ను ప్రముఖ నిర్మాత వంశీ నందిపాటి మంచి ఫ్యాన్సీ రేటుకు దక్కించుకున్నట్లుగా తెలుస్తోంది. ఈ మేరకు చిత్ర యూనిట్ కూడా ఈ సినిమాను వంశీ నందిపాటు రిలీజ్ చేయనున్నట్లు అఫీషియల్‌గా అనౌన్స్ చేశారు. యంగ్ హీరో కిరణ్ అబ్బవరం ప్రెస్టీజియస్ ప్రాజెక్ట్ ‘క’ని కూడా వంశీ నందిపాటి డిస్ట్రిబ్యూట్ చేయనున్న సంగతి తెలిసిందే.
దీంతో, వంశీ నందిపాటి కంటెంట్ ఉన్న సినిమాలను సెలెక్ట్ చేస్తూ దూసుకెళ్తున్నారు. ఇక ‘కమిటీ కుర్రోళ్ళు’ చిత్రానికి అనుదీప్ దేవ్ సంగీతం అందిస్తున్నారు.
