యంగ్ హీరో అశ్విన్ బాబు న‌టిస్తున్న తాజా చిత్రం ‘శివం భ‌జే’ అన్ని ప‌నులు ముగించుకుని మ‌రో రెండు రోజుల్లో ప్రేక్ష‌కుల ముందుకు రానుంది. ఈ సినిమాను ద‌ర్శ‌కుడు అప్స‌ర్ న్యూ ఏజ్ స‌స్పెన్స్ థ్రిల్ల‌ర్ గా తెర‌కెక్కించ‌డంతో ప్రేక్ష‌కుల్లో ఈ సినిమాపై మంచి అంచ‌నాలు క్రియేట్ అయ్యాయి. ఇక ఈ సినిమా పోస్ట‌ర్స్ నుండి టీజ‌ర్, ట్రైల‌ర్ల వ‌ర‌కు ఆడియెన్స్ ను ఆక‌ట్టుకోవ‌డంలో స‌క్సెస్ అయ్యాయి.

ఆగ‌స్టు 1న ప్ర‌పంచవ్యాప్తంగా గ్రాండ్ రిలీజ్ అవుతున్న ‘శివం భ‌జే’ చిత్రానికి ఓవ‌ర్సీస్ లోనూ మంచి క్రేజ్ ఏర్ప‌డింది. అక్క‌డ ఈ సినిమాను వ‌ర్ణిక విజువ‌ల్స్ సంస్థ గ్రాండ్ రిలీజ్ చేస్తున్న‌ట్లు చిత్ర‌ మేక‌ర్స్ ప్ర‌క‌టించారు. జూలై 31న ఈ సినిమాను ఓవ‌ర్సీస్ లో ప్రీమియ‌ర్స్ వేయ‌నున్నారు. ఇక ఈ సినిమా పాట‌ల‌కు, ట్రైల‌ర్ కు మంచి స్పంద‌న రావ‌డంతో, ఓవ‌ర్సీస్ ఆడియెన్స్ ఈ సినిమాను త‌ప్ప‌క ఎంజాయ్ చేస్తారని మేక‌ర్స్ కాన్ఫిడెంట్ గా ఉన్నారు.

ఈ సినిమాలో అర్బాజ్ ఖాన్, దిగంగ‌నా సూర్య‌వంశీ, హైప‌ర్ ఆది, ముర‌ళీ శ‌ర్మ‌, త‌నికెళ్ళ భ‌ర‌ణి, సాయి ధీన‌, బ్ర‌హ్మాజీ, తుల‌సి త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. ఈ సినిమాకు వికాస్ బ‌డిస సంగీతం అందిస్తుండ‌గా, గంగా ఎంటర్టైన్మెంట్స్ బ్యాన‌ర్ పై మ‌హేశ్వ‌ర రెడ్డి మూలి ప్రొడ్యూస్ చేస్తున్నారు.