మెగా ప్రిన్స్ వరుణ్ తేజ్ నటిస్తున్న తాజా చిత్రం ‘మట్కా’ ప్రస్తుతం శరవేగంగా షూటింగ్ జరుపుకుంటోంది. ఈ సినిమాను దర్శకుడు కరుణ కుమార్ తెరకెక్కిస్తుండగా, పీరియాడిక్ యాక్షన్ ఎంటర్‌టైనర్‌గా ఈ సినిమా రూపొందుతోంది. ఇక ఈ సినిమాలో వరుణ్ తేజ్ పలు విభిన్నమైన గెటప్స్‌లో కనిపించబోతున్నాడు. ఇప్పటికే రిలీజ్ అయిన ఈ మూవీ ఫస్ట్ లుక్ పోస్టర్‌కి ప్రేక్షకుల నుంచి మంచి రెస్పాన్స్ దక్కింది.
పీరియాడిక్ బ్యాక్‌డ్రాప్‌లో తెరకెక్కుతున్న ఈ సినిమా షూటింగ్ ప్రస్తుతం కాకినాడలో జరుగుతోంది. ఈ కీలక షెడ్యూల్‌లో ఓ భారీ యాక్షన్ సీక్వెన్స్‌ను షూట్ చేస్తున్నారు. దీనికి సంబంధించి తాజాగా మేకర్స్ ఓ పోస్టర్‌ను రిలీజ్ చేశారు. ఇందులో కాకినాడ పోర్టులోని ఓ క్రూజ్ షిప్ వద్ద వరుణ్ తేజ్ చేతిలో తుపాకి పట్టుకుని ఉన్నాడు.
ఈ సినిమాలో మీనాక్షి చౌదరి, నోరా ఫతేహి హీరోయిన్లుగా నటిస్తున్నారు. పాన్ ఇండియా సినిమాగా తెరకెక్కుతున్న ఈ చిత్రాన్ని వరుణ్ తేజ్ కెరీర్‌లో భారీ ప్రాజెక్ట్ సినిమాగా రూపొందిస్తున్నారు. ఈ చిత్రాన్ని డా.విజేందర్ రెడ్డి తీగల, రజని తాళ్ళూరి సంయుక్తంగా ప్రొడ్యూస్ చేస్తున్నారు. జివి.ప్రకాశ్ కుమార్ సంగీతం అందిస్తున్న ఈ చిత్రానికి కిషోర్ కుమార్ సినిమాటోగ్రఫీ అందిస్తున్నారు.
