విష్ణు బొప్పన గారి వీబీ ఎంటర్టైన్మెంట్స్ సంస్థ 2023-2024 సంవత్సరానికి గాను బుల్లి తెర అవార్డులను ప్రదానం చేసింది. ఈ సందర్భంగా హైద్రాబాద్‌లో ఘనంగా ఒక ఈవెంట్ ని ఆర్గనైజ్ చేసి, సినీ రాజకీయ ప్రముఖుల సమక్షంలో ఈ అవార్డుల ప్రదానోత్సవం చేశారు. ఈ ఈవెంట్‌కి సమర్పకులగా వర్చ్యుసా లైఫ్ స్పేసెస్ కి సంబంధించిన వైగండ్ల వెంకటేశ్వర్లు, వీవీకే హౌసింగ్ ప్రైవేట్ లిమిటెడ్ కి సంబంధించిన విజయ్ కుమార్, ఐశ్వర్య సిల్క్స్ లక్ష్మి మరియు అడ్వొకేట్ నాగేశ్వర్ రావు పూజారి హాజరయ్యారు.
ఈ ఈవెంట్‌కి ముఖ్య అతిథులుగా దర్శకులు ఎస్‌వీ కృష్ణా రెడ్డి, నిర్మాత కె.అచ్చిరెడ్డి, నిర్మాత మరియు అంబికా సంస్థల అధినేత అంబికా కృష్ణ, జేడీ లక్ష్మి నారాయణ, హీరో పూరి ఆకాష్ మరియు హీరోయిన్ అర్చన హాజరయ్యారు. ఈ ఈవెంట్‌లో సీనియర్ నటి శ్రీలక్ష్మికి జీవన సాఫల్య పురస్కారం అందించారు. అంతే కాకుండా టీవీ ఆర్టిస్ట్స్, సోషల్ మీడియా ఇన్ఫ్లుయెంసర్స్‌కి, యూట్యూబర్స్‌కి కూడా అవార్డులను ప్రదానం చేశారు.
లైఫ్ టైం అచీవ్‌మెంట్ అవార్డు అందుకున్న శ్రీలక్ష్మి మాట్లాడుతూ.. “వీబీ ఎంటర్టైన్మెంట్స్ బుల్లితెర అవార్డు వారికి నా ధన్యవాదాలు. ఇన్నేళ్ళుగా సినిమాల్లో నటిస్తున్న నన్ను గుర్తించి నాకు ఈ అవార్డుని అందించారు. మొదటగా నేను మా గురువు గారు జంధ్యాల గారికి ధన్యవాదాలు చెప్పుకోవాలి. ఆ తర్వాత నేను పని చేసిన డైరెక్టర్స్ అందరికీ థ్యాంక్స్. నా మీద ఎప్పటికప్పుడు విశేష ప్రజాధారణ చూపిస్తున్న ప్రేక్షకులందరికీ నా కృతజ్ఞతలు. మిమ్మల్ని ఇలాగే అలరిస్తూ ఉంటాను. మరొక్క సారి ఇక్కడున్న వారందరికీ, వీబీ ఎంటర్టైన్మెంట్స్‌కి ధన్యవాదాలు” అని అన్నారు.
