ఈ మధ్యకాలంలో తెలుగు సినిమా ఇండస్ట్రీ, చిత్ర ప్రచారం లో కొత్తపుంతలు తొక్కుతోంది. అన్ని రంగాల ప్రేక్షకులనూ ఎల్లలు లేకుండా ఆకర్షించాలని తహతహలాడుతోంది. గతంలో సినిమా ప్రచారానికి దర్శకుడు లేదా హీరో ఇంటర్వ్యూ లు మళ్ళీ మళ్ళీ ప్రచారం చేసేవారు. ఈ మధ్య కాలంలో ఎన్ఆర్ఐ లను ఆకర్షించేందుకు పలు ప్రయత్నాలు చేస్తున్నారు.
వీటిలో భాగంగా ఓవర్సీస్ మార్కెట్ ను పెంచుకునేందుకు స్పెషల్ ప్రోగ్రామ్స్, ప్రత్యేకంగా టాక్ షోస్ నిర్వహిస్తున్నారు. ఈ తరహాలోనే ఈ మధ్య ‘మొగుడు’ సినిమా టీం అర్ధరాత్రి దాటిన తర్వాత టీవీ షోల్లో ప్రచారం నిర్వహించింది. అలానే నిఖిల్ తన తదుపరి మూవీ ‘వీడు తేడా’ చిత్రానికి టాక్ షో ద్వారా పబ్లిసిటీ చేసాడు. సాక్షి టీవీ లో 12.30 AM కు స్పెషల్ టాక్ షో నిర్వహించి, అమెరికాలో ఉన్న తెలుగు ప్రజలతో నిఖిల్ నేరుగా మాట్లాడి చిత్ర విశేషాలను వివరించాడు.
పూజ ఈ చిత్రం తో తెలుగు తెరకు హీరోయిన్ గా పరిచయం కానుంది. బి.చిన్ని కృష్ణ ఈ సినిమాకు దర్శకత్వం వహిస్తున్నారు. నవంబర్ 18 న ‘వీడు తేడా’ చిత్రం ప్రేక్షకుల ముందుకు రానుంది.