నటసింహం, నందమూరి బాలకృష్ణ హీరోగా, డైరెక్టర్ గోపీచంద్ మలినేని దర్శకత్వంలో తెరకెక్కిన యాక్షన్ ఎంటర్టైనర్ వీరసింహరెడ్డి. ఈ చిత్రం సంక్రాంతి పండుగ సందర్భంగా థియేటర్ల లో విడుదల అయ్యి ప్రేక్షకులను, అభిమానులను విశేషంగా ఆకట్టుకుంది. ఈ చిత్రం బాలయ్య కెరీర్ లోనే అత్యధిక వసూళ్లు రాబట్టిన చిత్రం గా నిలిచింది. ఇప్పుడు ఈ చిత్రం బుల్లితెర పై ప్రేక్షకులను అలరించడానికి సిద్ధం అవుతోంది.
ఏప్రిల్ 23 వ తేదీన సాయంత్రం 5:30 గంటలకు స్టార్ మా లో వరల్డ్ టెలివిజన్ ప్రీమియర్ గా ఈ చిత్రం ప్రసారం కానుంది. శృతి హాసన్ హీరోయిన్ గా నటించిన ఈ చిత్రం లో దునియా విజయ్, వరలక్ష్మి శరత్ కుమార్ లు కీలక పాత్రల్లో నటించారు. మైత్రి మూవీ మేకర్స్ పతాకంపై నిర్మించిన ఈ చిత్రానికి మ్యూజికల్ సెన్సేషన్ థమన్ సంగీతం అందించారు. బుల్లితెర పై ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.
