ఇళయదలపతి విజయ్ నటించిన తాజా చిత్రం ‘ది గోట్’ గ్రాండ్ రిలీజ్‌కి రెడీ అయ్యింది. ఈ సినిమాకు సంబంధించిన ప్రీ-రిలీజ్ ఈవెంట్‌ను తాజాగా హైదరాబాద్‌లో నిర్వహించారు. ఈ సందర్భంగా దర్శకుడు వెంకట్ ప్రభు సినిమాకు సంబంధించి పలు ఆసక్తికర విషయాలను తెలిపారు. ఈ క్రమంలో ఓ విలేకరి విజయ్, అజిత్ ల మధ్య తేడా ఏమిటని ప్రశ్నించారు.
విజయ్, అజిత్‌లతో వర్క్ చేయడం చాలా మంచి ఎక్స్‌పీరియన్స్. ఇద్దరు హీరోలు కూడా చాలా సింపుల్‌గా ఉంటారని ఆయన తెలిపారు. అయితే, సెట్స్‌లో అజిత్ చిన్నపిల్లాడిలా ఫన్ చేస్తూ, మాట్లాడుతూ ఉంటాడని.. కానీ, విజయ్ చాలా సైలెంట్‌గా ఉంటారని వెంకట్ ప్రభు తెలిపారు. ఈ ఇద్దరు హీరోలను డైరెక్ట్ చేయడం తనకు సంతోషంగా ఉందని ఆయన అన్నారు.
ఇక ‘ది గోట్’ చిత్రాన్ని తెలుగులో మైత్రీ మూవీస్ వారు డిస్ట్రిబ్యూట్ చేస్తున్నారు. దీంతో ఈ సినిమాపై తెలుగునాట కూడా మంచి అంచనాలు క్రియేట్ అయ్యాయి.
