అరకులో ‘సంక్రాంతికి వస్తున్నాం’ చివరి షెడ్యూల్

స్టార్ హీరో విక్టరీ వెంకటేష్ నటిస్తున్న లేటెస్ట్ మూవీ ప్రస్తుతం శరవేగంగా షూటింగ్ జరుపుకుంటోంది. సక్సెస్‌ఫుల్ డైరెక్టర్ అనిల్ రావిపూడి డైరెక్షన్‌లో తెరకెక్కుతున్న ఈ సినిమాను సంక్రాంతి కానుకగా రిలీజ్ చేస్తున్నట్లు ఇప్పటికే మేకర్స్ అనౌన్స్ చేశారు. ఇక ఈ సినిమాకు ‘‘సంక్రాంతికి వస్తున్నాం’’ అనే ఇంట్రెస్టింగ్ టైటిల్‌ను కూడా ఫిక్స్ చేశారు. అయితే, ఈ సినిమాకు సంబంధించి మేకర్స్ తాజాగా ఓ అప్డేట్ ఇచ్చారు.

ఈ సినిమా చివరి షెడ్యూల్‌ను అరకులో స్టార్ట్ చేసినట్లుగా ఓ వీడియో గ్లింప్స్ రూపంలో అనౌన్స్ చేశారు. వెంకీతో పాటు పలువురు నటీనటులు ఈ షెడ్యూల్‌లో పాల్గొంటారట. ఇక ఈ సినిమాలో వెంకటేష్ ఓ ఎక్స్ కాప్ పాత్రలో నటిస్తుండగా అందాల భామలు మీనాక్షి చౌదరి, ఐశ్వర్య రాజేష్ హీరోయిన్లుగా నటిస్తున్నారు.

ఈ చిత్రానికి భీమ్స్ సిసిరోలియో సంగీతం అందిస్తుండగా దిల్ రాజు, శిరీష్ ఈ చిత్రాన్ని ప్రొడ్యూస్ చేస్తున్నారు. ఈ సినిమా షూటింగ్ ముగించుకుని ప్రమోషన్స్ మొదలుపెట్టాలని మేకర్స్ భావిస్తున్నారు.