విక్టరీ వెంకటేష్ నటిస్తున్న లేటెస్ట్ మూవీ ‘సంక్రాంతికి వస్తున్నాం’ ప్రస్తుతం చివరి షెడ్యూల్ షూటింగ్ అరకులో జరుపుకుంటోంది. దర్శకుడు అనిల్ రావిపూడి ఈ సినిమాను ఔట్ అండ్ ఔట్ కమర్షియల్ ఎంటర్‌టైనర్‌గా మలుస్తున్నాడు. ఇప్పటికే ఈ సినిమా నుండి రిలీజ్ అయిన పోస్టర్స్ ఈ సినిమాపై అంచనాలను పెంచేశాయి. ఇక ఈ సినిమా నుండి తాజాగా మరో ఇంట్రెస్టింగ్ అప్డేట్ మేకర్స్ ఇచ్చారు.
‘సంక్రాంతికి వస్తున్నాం’ మూవీతో వెంకటేష్, రమణ గోగుల కాంబో 18 ఏళ్ల తరువాత తిరిగి రానుంది. గతంలో వీరిద్దరి కాంబినేషన్‌లో ఎన్నో హిట్ సాంగ్స్ పడ్డాయి. ఇప్పుడు మరోసారి ఆ వింటేజ్ మ్యానియా కంటిన్యూ చేసేందుకు భీమ్స్ సిసిరోలియో రమణ గోగులతో ఓ పాటను పాడిస్తున్నాడు. ఈ సినిమా నుండి రాబోయే ఫస్ట్ సింగిల్ సాంగ్ కూడా ఇదే కావడం విశేషం.
ఇక ఈ సినిమాలో ఎక్స్ కాప్‌గా వెంకటేష్ పవర్‌ఫుల్ పర్ఫార్మెన్స్ ఇవ్వనుండగా.. అందాల భామలు మీనాక్షి చౌదరి, ఐశ్వర్య రాజేష్ హీరోయిన్లుగా నటిస్తున్నారు. ఈ సినిమాను శిరీష్ భారీ బడ్జెట్‌తో ప్రొడ్యూస్ చేస్తున్నారు. సంక్రాంతి కానుకగా ఈ సినిమాను గ్రాండ్ రిలీజ్ చేసేందుకు చిత్ర యూనిట్ రెడీ అవుతోంది.
