కమెడియన్ వెన్నెల కిషోర్ లీడ్ రోల్‌లో నటిస్తు్న్న చిత్రం ‘శ్రీకాకుళం షెర్లాక్ హోమ్స్’ ఇప్పటికే మంచి బజ్‌ను క్రియేట్ చేసింది. ఈ సినిమాను దర్శకుడు మోహన్ డైరెక్ట్ చేస్తుండగా క్రైమ్ కామెడీ థ్రిల్లర్‌గా ఈ సినిమా ప్రేక్షకులను అలరించేందుకు సిద్ధమవుతోంది. ఇక ఈ సినిమా నుండి మేకర్స్ తాజాగా ఓ ఇంట్రెస్టింగ్ అప్డేట్ ఇచ్చారు.
‘శ్రీకాకుళం షెర్లాక్ హోమ్స్’ చిత్రాన్ని డిసెంబర్ 25న గ్రాండ్ రిలీజ్ చేయనున్నట్లు చిత్ర యూనిట్ ప్రకటించింది. ఈ మేరకు రిలీజ్ డేట్ పోస్టర్‌ను కూడా వారు రిలీజ్ చేశారు. దీంతో ఈ సినిమా క్రిస్మస్ రేస్‌లో కొత్తగా జాయిన్ అయ్యిందని చెప్పాలి. ఇక ఈ సినిమాలో వెన్నెల కిషోర్ డిటెక్టివ్ పాత్రలో నటిస్తుండగా, ఇది ప్రేక్షకులను ఆద్యంతం ఎంటర్‌టైన్ చేయనుందని మేకర్స్ కాన్ఫిడెంట్‌గా చెబుతున్నారు.
ఈ సినిమాలో అనన్య నాగళ్ల హీరోయిన్‌గా నటిస్తుంది. సునీల్ కశ్యప్ సంగీతం అందిస్తున్న ఈ సినిమాను వెన్నపూస రమణా రెడ్డి ప్రొడ్యూస్ చేస్తుండగా.. వంశీ నందిపాటి ఈ చిత్రాన్ని డిస్ట్రిబ్యూట్ చేయనున్నారు.
