సోషల్ మీడియాలో బాగా వినిపించే కాంట్రోవర్షియల్ పేరు వేణుస్వామి. ఆయన గతంలో రాజకీయాలు, సినిమాలపై తనదైన జ్యోస్యం చెబుతూ ట్రెండ్ అయ్యారు. ఇక సినిమా తారలకు సంబంధించి ఆయన చేసే సెన్సేషనల్ కామెంట్స్‌తో నెట్టింట ట్రోలింగ్ జరిగేది. అయితే, గతంలో నాగచైతన్య, సమంత జోడీ విడిపోతుందని ఆయన ముందే చెప్పానని.. నిశ్చితార్థం చేసుకున్న నాగచైతన్య-శోభిత జోడీ కూడా విడిపోతుందని వేణుస్వామి జ్యోస్యం చెప్పారు.
దీనికి సంబంధించిన వీడియో నెట్టింట వైరల్ కావడంతో మరోసారి వేణుస్వామిపై ట్రోలింగ్ జరుగుతోంది. అయితే, తాను చెప్పిన జ్యోస్యంపై ఆయన తాజాగా క్లారిటీ ఇచ్చారు. తాను గతంలో చెప్పినట్లుగానే రాజకీయాలు, సినిమాల గురించిన జ్యోస్యం చెప్పడం లేదని.. అయితే, నాగచైతన్య-శోభిత గురించిన జ్యోస్యం గతంలో చెప్పిన చైతూ-సామ్ జ్యోస్యంకి కొనసాగింపుగా చెప్పాల్సి వచ్చిందని ఆయన తెలిపారు. ఇదే విషయంపై ‘మా’ అధ్యక్షుడు మంచు విష్ణుతో చర్చించానని వేణుస్వామి తాజా వీడియోలో రివీల్ చేశారు.
వేణుస్వామి తాజా వీడియోలో ఇలా క్లారిటీ ఇచ్చినా, ఆయనపై అక్కినేని అభిమానులు మండిపడుతున్నారు. కాగా, వేణుస్వామి వివాదంపై తెలుగు సినీ జర్నలిస్టుల సంఘం తెలంగాణ రాష్ట్ర మహిళా సంఘంలో ఫిర్యాదు చేశారు.