సౌత్ ఇండియా సినిమా ప్రముఖ నటుల్లో మక్కల్ సెల్వన్ విజయ్ సేతుపతి కూడా ఒకరు. మరి సేతుపతి హీరోగా నటించిన తన కెరీర్ 50వ చిత్రం “మహారాజ” తో భారీ హిట్ తాను అందుకున్నాడు. ఇక ఈ సినిమా తర్వాత తన నుంచి మరిన్ని చిత్రాలు వస్తుండగా వీటిలో దర్శకుడు వెట్రిమారన్ అలాగే కమెడియన్ టర్న్డ్ హీరో సూరి కాంబినేషన్ లో చేస్తున్న చిత్రం “విడుదల” కూడా ఒకటి.
మరి సూరి హీరోగా పరిచయం అవుతూ చేసిన ఈ సినిమాలో విజయ్ సేతుపతి కూడా అత్యంత ముఖ్య పాత్రలో నటించారు. అయితే ఇప్పుడు ఎట్టకేలకి పార్ట్ 2 ని మేకర్స్ సిద్ధం చేస్తుండగా ఈరోజు ఫస్ట్ లుక్ పోస్టర్స్ ని రిలీజ్ చేశారు. అయితే చాలా మంది సూరి పై పోస్టర్స్ ని రిలీజ్ చేస్తారు అనుకున్నారు కానీ మేకర్స్ సేతుపతి సైడ్ తిరిగారు.
విజయ్ సేతుపతిపై ఒక పవర్ఫుల్ పోస్టర్ ఇంకొకటి క్లాస్ పోస్టర్ తన ప్రేయసితో కలిసి ఉన్నట్టుగా రెండు వేరియేషన్స్ నీ చూపించారు. మొత్తానికి అయితే ఈ ఫస్ట్ లుక్స్ పోస్టర్స్ ఆకట్టుకునే విధంగా ఉన్నాయని చెప్పాలి. మరి ఈసారి వెట్రిమారన్ కథ ఎలా తీసుకెళ్తాడో చూడాలని చాలా మంది ఎదురు చూస్తున్నారు.
