త‌మిళ న‌టుడు విజ‌య్ ఆంటోని న‌టించే సినిమాల‌కు తెలుగులోనూ మంచి క్రేజ్ నెల‌కొంటుంది. ఇక ఈ హీరో న‌టిస్తున్న తాజా చిత్రం ‘తుఫాన్’ ఇప్ప‌టికే షూటింగ్ పనులు ముగించుకుని రిలీజ్ కు రెడీ అయ్యింది. ఈ సినిమాను పూర్తి స‌స్పెన్స్ థ్రిల్ల‌ర్ గా తెర‌కెక్కించారు చిత్ర యూనిట్.
ఈ సినిమా విజ‌య్ మిల్ట‌న్ డైరెక్ట్ చేశారు. ఆగ‌స్టు 2న ఈ సినిమాను రిలీజ్ చేస్తుండ‌టంతో, తాజాగా ఈ చిత్రానికి సంబంధించిన స్నీక్ పీక్ వీడియోను మేక‌ర్స్ రిలీజ్ చేశారు. దాదాపు 5 నిమిషాల పాటు ఉన్న వీడియోను మేక‌ర్స్ రిలీజ్ చేశారు. ఈ వీడియోలో విజ‌య్ ఆంటోని యాక్ష‌న్ ఇర‌గ‌దీశాడు. దీంతో ఈ సినిమాలో ఆయ‌న న‌ట‌న‌ను వెండితెర‌పై చూసేందుకు ప్రేక్ష‌కులు ఆస‌క్తిని చూపుతున్నారు.
ఇక ఈ సినిమాలో స‌త్య‌రాజ్, మేఘ ఆకాష్, డాలి ధ‌నంజ‌య, ముర‌ళీ శ‌ర్మ, శ‌ర‌ణ్య పొన్న‌వ‌న్ త‌దిత‌రులు ఇత‌ర ముఖ్య పాత్రల్లో న‌టించారు. ఈ సినిమాకు అచు రాజమ‌ణి, విజ‌య్ ఆంటోని సంగీతాన్ని అందించారు. మ‌రి ఆగ‌స్టు 2న థియేట‌ర్ల‌లో రిలీజ్ అవుతున్న ‘తుఫాన్’ మూవీ ఎలాంటి విజ‌యాన్ని అందుకుంటుందో చూడాలి.
వీడియో కోసం ఇక్క‌డ క్లిక్ చేయండి