టాలీవుడ్ లో అడుగు పెట్టినప్పటి నుండి పలు ప్రతిష్ఠాత్మక చిత్రాలను నిర్మిస్తోంది సితార ఎంటర్టైన్మెంట్స్ బ్యానర్. ఇప్పుడు ఈ సితార ఎంటర్టైన్మెంట్స్ మరియు ఫార్చ్యూన్ ఫోర్ సినిమాస్ తో కలిసి నిర్మిస్తున్న చిత్రం VD12. యంగ్ సెన్సేషన్ విజయ్ దేవరకొండ హీరోగా నటిస్తున్న ఈ చిత్రానికి గౌతమ్ తిన్ననూరి దర్శకత్వం వహిస్తున్నాడు. ఇటీవల లీక్ అయిన పిక్స్ ఇండస్ట్రీ లో సూపర్ హైప్ ను క్రియేట్ చేశాయి. దీంతో మేకర్స్ సినిమాకి సంబందించిన ఫస్ట్ లుక్ పోస్టర్ ను విడుదల చేసారు. ఈ లుక్ అభిమానులను బాగా ఆకట్టుకుంటుంది.
విజయ్ దేవరకొండ అగ్రెసివ్ లుక్ కి ఫ్యాన్స్ ఫిదా అవుతున్నారు. ఈ ఒక్క లుక్ సినిమా పై అంచనాలను అమాంతం పెంచేసింది అని చెప్పాలి. షార్ట్ హెయిర్ కట్ మరియు గడ్డంతో ఉన్న విజయ్ లుక్ సోషల్ మీడియాను షేక్ చేస్తోంది. ప్రస్తుతం నిర్మాణ దశలో ఉన్న ఈ చిత్రానికి రాక్ స్టార్ అనిరుధ్ రవి చందర్ సంగీతం అందిస్తున్నాడు. వచ్చే ఏడాది మార్చ్ 28 వ తేదీన రిలీజ్ కానున్న ఈ చిత్రం పై అందరిలో ఆసక్తి నెలకొంది.