మక్కల్ సెల్వన్ విజయ్ సేతుపతి హీరోగా నటించిన రీసెంట్ సూపర్ హిట్ చిత్రం “మహారాజ” కోసం తెలిసిందే. దర్శకుడు నిథిలన్ సామినాథన్ తెరకెక్కించిన ఈ చిత్రం విజయ్ కెరీర్ లో 50వ సినిమాగా వచ్చి భారీ వసూళ్లు అందుకొని హిట్ గా నిలిచింది. మరి తెలుగు సహా తమిళ్ లో మంచి లాభాలు అందించిన ఈ చిత్రం చైనా దేశంలో అయితే భారీ రిలీజ్ కి సిద్ధం అయ్యింది.
అక్కడ ఈ చిత్రంని ఏకంగా 40 వేలకి పైగా స్క్రీన్స్ లో రిలీజ్ చేస్తుండగా ఇపుడు ఆల్రెడీ అక్కడ సినిమాకి మంచి రెస్పాన్స్ దక్కినట్టుగా తెలుస్తుంది. అక్కడ కూడా పలు ప్రివ్యూ షోస్ ను వేయగా ఆడియెన్స్ నుంచి మంచి రెస్పాన్స్ వచ్చిందట. మరి ఫుల్ ఫ్లెడ్జ్ రిలీజ్ తర్వాత కూడా ఇదే రేంజ్ రెస్పాన్స్ వస్తే “దంగల్” లా మ్యాజిక్ చేస్తుందో లేదో అనేది చూడాలి మరి. ఇక ఈ చిత్రాన్ని చైనాలో “కర్మ” పేరిట రిలీజ్ చేస్తుండగా అజనీష్ లోకనాథ్ ఈ చిత్రానికి సంగీతం అందించాడు.
