కోలీవుడ్ వెర్సటైల్ నటుడు మక్కల్ సెల్వన్ విజయ్ సేతుపతి హీరోగా దర్శకుడు నిథిలన్ స్వామినాథన్ కాంబినేషన్ లో తెరకెక్కించిన లేటెస్ట్ చిత్రం “మహారాజ”. మరి ఈ సినిమా విజయ్ సేతుపతి కెరీర్ లో 50వ సినిమాగా తెరకెక్కగా అందుకు తగ్గట్టుగానే ఈ చిత్రం విజయ్ సేతుపతి కెరీర్ లో నిలిచిపోయే సినిమాగా భారీ హిట్ అయ్యింది.
ఒక్క తమిళ్ లోనే కాకుండా తెలుగులో కూడా ఈ చిత్రం మంచి వసూళ్లు సాధించి విజయ్ సేతుపతి సోలో 100 కోట్ల సినిమాగా నిలిచింది. ఇక థియేటర్స్ తర్వాత ఓటిటిలో కూడా ఈ సినిమా చూద్దామని చాలా మంది వెయిట్ చేశారు. ఇక ఫైనల్ గా ఈ సినిమా అయితే ఓటిటి ఎంట్రీ ఇచ్చేసింది.
ఈ సినిమా హక్కులు దిగ్గజ సంస్థ నెట్ ఫ్లిక్స్ సొంతం చేసుకున్న సంగతి తెలిసిందే. ఇందులో ఈ సినిమా ఈరోజు నుంచి పాన్ ఇండియా భాషల్లో అందుబాటులోకి వచ్చేసింది. మరి ఈ సినిమా చూడాలి అనుకునేవారు ఇప్పుడు నెట్ ఫ్లిక్స్ లో తప్పకుండా ట్రై చేయవచ్చు.
