కోలీవుడ్ స్టార్ హీరో విజయ్ ప్రధాన పాత్రలో, దర్శకుడు వెంకట్ ప్రభు దర్శకత్వంలో తెరకెక్కిన చిత్రం ది గోట్. ఈ చిత్రం సెప్టెంబర్ 5న ప్రపంచ వ్యాప్తంగా థియేటర్లలోకి రానుంది. ఈ చిత్రం నుండి రిలీజైన ప్రచార చిత్రాలకి మంచి రెస్పాన్స్ రావడంతో సినిమాపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఈ చిత్రం ఇటీవల సెన్సార్ కార్యక్రమాలను పూర్తి చేసుకొని యూ/ఏ సర్టిఫికెట్ ను పొందింది. మరోసారి ఈ చిత్రం సెన్సార్ ను పూర్తి చేసుకున్నట్లు తెలుస్తుంది.
ఈ చిత్రం అంతకుముందు 179 నిమిషాలు (2 గంటల 59 నిమిషాలు) నిడివితో ఉంది. ఇప్పుడు 3 గంటల 3 నిమిషాలకి పైగా రన్ టైమ్ ను కలిగి ఉంది. ఇది భారీ రన్ టైమ్ అని చెప్పాలి. మీనాక్షి చౌదరి హీరోయిన్ గా నటించిన ఈ చిత్రంలో స్నేహ, లైలా, ప్రశాంత్, ప్రభుదేవా, యోగి బాబు, జయరామ్, మోహన్, వైభవ్, వీటీవీ గణేష్, అజ్మల్ అమీర్, మనోబాల కీలక పాత్రల్లో నటించారు. యువన్ శంకర్ రాజా సంగీతాన్ని అందించిన ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
