కోలీవుడ్ స్టార్ హీరో విజయ్ చివరిసారిగా లియో చిత్రంలో కనిపించారు. ఈ చిత్రం బాక్సాఫీస్ వద్ద బ్లాక్ బస్టర్ గా నిలిచింది. తదుపరి ది గోట్ చిత్రంలో కనిపించనున్నారు. దర్శకుడు వెంకట్ ప్రభు దర్శకత్వంలో తెరకెక్కుతున్న ఈ యాక్షన్ ఎంటర్టైనర్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఇప్పటికే సినిమా నుండి రిలీజైన ప్రచార చిత్రాలకి ప్రేక్షకుల నుండి మంచి రెస్పాన్స్ వచ్చింది. అయితే ఈ చిత్రానికి సంబంధించిన ఒక ఇంట్రెస్టింగ్ న్యూస్ సోషల్ మీడియాలో వైరల్ అవుతోంది.
ఈ చిత్రం రన్ టైమ్ ఫిక్స్ అయ్యింది అని, దాదాపు 2 గంటల 30 నిమిషాల నిడివితో ఉన్నట్లు సమాచారం. దీనిపై మేకర్స్ నుండి క్లారిటీ రావాల్సి ఉంది. సెప్టెంబర్ 5, 2024 న వరల్డ్ వైడ్ గా థియేటర్లలో రిలీజ్ కాబోతున్న ఈ చిత్రం లో ప్రశాంత్, ప్రభుదేవా, అజ్మల్ అమీర్, యోగిబాబు తదితరులు కీలక పాత్రల్లో కనిపించనున్నారు. AGS ఎంటర్టైన్మెంట్ పతాకంపై నిర్మిస్తున్న ఈ చిత్రానికి యువన్ శంకర్ రాజా సంగీతాన్ని అందిస్తున్నాడు.
