అందరూ ఎంతో ఆసక్తిగా ఎదురుచూస్తున్న చిత్రాల్లో కోలీవుడ్ స్టార్ హీరో విజయ్ నటిస్తున్న ది గోట్ ఒకటి. ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. వెంకట్ ప్రభు దర్శకత్వంలో తెరకెక్కుతున్న ఈ చిత్రం ట్రైలర్ రిలీజ్ పై మేకర్స్ తాజాగా ఒక ఇంట్రెస్టింగ్ అప్డేట్ ను అందించారు. ఈ చిత్రం ట్రైలర్ ను ఆగస్టు 17 వ తేదీన సాయంత్రం 5:00 గంటలకు రిలీజ్ చేయనున్నట్లు మేకర్స్ ప్రకటించారు.
ఇదే విషయాన్ని వెల్లడించడానికి సరికొత్త పోస్టర్ ను విడుదల చేశారు. పోస్టర్ లో గుండాలను గన్ తో కాలుస్తున్న విజయ్ లుక్ చాలా ఇంటెన్స్ గా, ఆకట్టుకుంటుంది. పోస్టర్ కు ఫ్యాన్స్ నుండి సూపర్ రెస్పాన్స్ వస్తోంది. ఈ చిత్రంలో యంగ్ బ్యూటీ మీనాక్షి చౌదరి హీరోయిన్ గా నటిస్తుండగా, జీవి ప్రకాష్ కుమార్ సంగీతం అందిస్తున్నాడు. సెప్టెంబర్ 5 న థియేటర్లలో రిలీజ్ కాబోతున్న ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.