త‌మిళ స్టార్ హీరో చియాన్ విక్ర‌మ్ న‌టించిన లేటెస్ట్ మూవీ ‘తంగ‌లాన్’ ఆగ‌స్టు 15న భారీ రిలీజ్ కు రెడీ అయ్యింది. ఈ సినిమాలో విక్ర‌మ్ స‌రికొత్త గెట‌ప్ తో కనిపిస్తుండ‌టంతో ఈ సినిమాపై ప్రేక్ష‌కుల్లో భారీ అంచ‌నాలు ఏర్ప‌డ్డాయి. ఇక ఈ సినిమాను త‌మిళ్ తో పాటు తెలుగులోనూ గ్రాండ్ రిలీజ్ చేస్తున్నారు. ఈ క్ర‌మంలో ఈ చిత్ర ప్ర‌మోష‌న్స్ ను స్టార్ట్ చేసింది చిత్ర యూనిట్.

ఇందులో భాగంగా మీడియాతో ముచ్చ‌టించారు తంగ‌లాన్ టీమ్. ఈ క్ర‌మంలో టాలీవుడ్ డైరెక్ట‌ర్ ఎస్ఎస్.రాజ‌మౌళి విక్ర‌మ్ తో చ‌ర్చ‌లు జ‌రుపుతున్నార‌ని.. మ‌హేష్ బాబు న‌టించ‌బోయే సినిమాలో విక్ర‌మ్ న‌టిస్తున్నారా..? అని ఓ విలేక‌రి ప్ర‌శ్నించాడు. దీనికి స‌మాధానంగా విక్ర‌మ్ మాట్లాడుతూ.. రాజ‌మౌళితో చ‌ర్చ‌లు వాస్త‌వ‌మే అని.. అయితే మ‌హేష్ బాబు సినిమాలో న‌టిస్తుండ‌టం అనేది వాస్త‌వం కాద‌ని ఆయ‌న తెలిపాడు.

కానీ, రాజ‌మౌళితో ఖ‌చ్చితంగా సినిమా చేస్తాన‌ని విక్ర‌మ్ చెప్పుకొచ్చాడు. దీంతో రాజ‌మౌళితో విక్ర‌మ్ చేయ‌బోయే సినిమాపై సినీ స‌ర్కిల్స్ లో చ‌ర్చ సాగుతోంది. మ‌రి మహేష్ బాబు – రాజ‌మౌళి సినిమాలో కాకుండా విక్ర‌మ్ ఏ సినిమాలో న‌టిస్తాడా అనేది ఆస‌క్తిక‌రంగా మారింది.