కోలీవుడ్ స్టార్ యాక్టర్ చియాన్ విక్రమ్ (Chiyaan Vikram) ప్రధాన పాత్రలో, స్టార్ డైరెక్టర్ పా. రంజిత్ దర్శకత్వంలో తెరకెక్కుతున్న చిత్రం తంగలాన్ (Thangalaan). ప్రస్తుతం నిర్మాణ దశలో ఉన్న ఈ చిత్రం, కోలార్‌ గోల్డ్‌ ఫీల్డ్స్‌లో జరిగిన కొన్ని నిజ జీవిత సంఘటనల ఆధారంగా తెరకెక్కుతోంది. ఇప్పటికే సినిమా నుండి రిలీజైన ప్రచార చిత్రాలకి ప్రేక్షకుల నుండి, అభిమానుల నుండి మంచి రెస్పాన్స్ వచ్చింది. రిలీజైన ట్రైలర్ కి సూపర్ రెస్పాన్స్ వస్తోంది.
ఈ చిత్రం నుండి ఫస్ట్ సింగిల్ ను రిలీజ్ చేయనున్నట్లు మేకర్స్ ప్రకటించిన సంగతి అందరికీ తెలిసిందే. రేపు సాయంత్రం 5:00 గంటలకు ఈ పాట రిలీజ్ కానున్నట్లు తాజాగా మేకర్స్ ప్రకటించారు. ఇదే విషయాన్ని వెల్లడించడానికి సరికొత్త పోస్టర్ ను విడుదల చేసారు. కేవలం తమిళం లో మాత్రమే కాకుండా, తెలుగు, హిందీ, మలయాళం, కన్నడ భాషల్లో కూడా రిలీజ్ కానున్న ఈ చిత్రానికి జీవీ ప్రకాష్ కుమార్ సంగీతం అందిస్తున్నారు. మాళవిక మోహనన్ ఫీమేల్ లీడ్ రోల్ లో నటిస్తున్న ఈ చిత్రాన్ని స్టూడియో గ్రీన్ పతాకంపై నిర్మిస్తున్నారు. ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
