పవన్ కళ్యాణ్, సాయి ధరమ్ తేజ్ ల కలయికలో సముద్రఖని దర్శకత్వం వహించిన బ్రో మూవీ రేపు ప్రేక్షకుల ముందుకు రానుంది. ఇక సముద్రఖని ఇటీవల విమానం మూవీలో కీలక పాత్రలో నటించారు. ఇది ఫీల్ గుడ్ డ్రామాగా యాక్షన్, ఎమోషనల్ అంశాలతో తెరకెక్కింది. అయితే ఈ మూవీ థియేటర్లలో పెద్దగా రన్ కాలేదు. కానీ ప్రస్తుతం జీ5 ఒటిటి లో ప్రసారం అవుతున్న ఈ మూవీ విపరీతమైన ప్రేక్షకాదరణతో కొనసాగుతోంది.
తాజా అప్‌డేట్ ఏమిటంటే, విమానం మూవీ ఇప్పటికే 100 మిలియన్ నిమిషాల వ్యూస్ ని సొంతం చేసుకోవడం విశేషం. ఇది అద్భుతమైన విజయం మరియు రాబోయే రోజుల్లో కూడా ఈ చిత్రం భారీ స్థాయి వ్యూస్ ని అందుకుంటుందని భావిస్తున్నారు. ఫ్లైట్ ఎక్కాలనే తన కొడుకు కోరికను తీర్చడానికి ప్రయత్నించే దివ్యాంగుడైన తండ్రిగా విమానం మూవీలో సముద్రఖని అద్భుతంగా నటించారు. మాస్టర్ ధృవన్, అనసూయ భరద్వాజ్, రాజేంద్రన్, ధనరాజ్, రాహుల్ రామకృష్ణ కీలక పాత్రలు పోషించారు. శివ ప్రసాద్ యానాల దర్శకత్వం వహించిన విమానం మూవీని జీ స్టూడియోస్ మరియు కిరణ్ కొర్రపాటి సంయుక్తంగా నిర్మించగా చరణ్ అర్జున్ సంగీతం అందించారు.
