టాలీవుడ్ సూపర్ స్టార్ మహేష్ బాబు ప్రస్తుతం కెరీర్ పరంగా ఒక్కో సినిమాతో బాక్సాఫీస్ వద్ద వరుస సక్సెస్ లు సొంతం చేసుకుంటూ దూసుకెళ్తున్నారు. ఇక ప్రస్తుతం త్రివిక్రమ్ తో SSMB 28 మూవీ చేస్తున్న సూపర్ స్టార్, దీని అనంతరం జక్కన్న ఎస్ ఎస్ రాజమౌళి తో తన నెక్స్ట్ మూవీ చేయనున్నారు. పాన్ వరల్డ్ రేంజ్ లో ఈ మూవీ రూపొందనున్న విషయం తెలిసిందే.
ఇక ఇటు సినిమాలతో పాటు మరోవైపు యాడ్స్ లో కూడా వరుసగా దూసుకెళ్తున్నారు మహేష్ బాబు. ఆయన ఖాతాలో పలు ప్రముఖ యాడ్ సంస్థలు ఉండగా, తాజాగా ప్రముఖ వస్త్ర సంస్థ ఒట్టో వారి తాజా ఫోటోషూట్ లో పాల్గొన్నారు సూపర్ స్టార్. ఇక ఆ ఫోటోషూట్ లో మహేష్ బాబు మూడు రకాల స్టైలిష్ కాస్ట్యూమ్స్ లో అదరగొట్టారు. కాగా ప్రస్తుతం ఈ స్టైలిష్ లుక్ పిక్స్ సోషల్ మీడియాలో కొద్దిసేపటి నుండి విపరీతంగా ట్రెండ్ అవుతున్నాయి.