డైనమిక్ హీరో విష్ణు మంచు డ్రీమ్ ప్రాజెక్ట్ కన్నప్ప నుంచి వస్తున్న ప్రతీ అప్డేట్ ఎంతగా వైరల్ అవుతోందో అందరికీ తెలిసిందే. ఈ చిత్రంలో ప్రభాస్ కీలక పాత్రలో నటిస్తున్నారు అని మేకర్స్ నుండి అప్డేట్ రావడంతో సినిమా పై ఒక్కసారిగా అంచనాలు పెరిగాయి. ఈ చిత్రం రిలీజ్ పై హీరో విష్ణు మంచు ఇంట్రెస్టింగ్ పోస్ట్ ను షేర్ చేశారు. డిసెంబర్ 2024 న కన్నప్ప రిలీజ్ ఉండనుంది అని అన్నారు.
ఇప్పటికే ఈ చిత్రం నుండి రిలీజైన ప్రచార చిత్రాలకి ప్రేక్షకుల నుండి మంచి రెస్పాన్స్ వచ్చింది. ఈ భారీ బడ్జెట్ మూవీ లో మోహన్ లాల్, బాలీవుడ్ స్టార్ హీరో అక్షయ్ కుమార్, మోహన్ బాబు తదితరులు కీలక పాత్రల్లో కనిపించనున్నారు. విష్ణు మంచు డ్రీమ్ ప్రాజెక్ట్ అయిన ఈ కన్నప్పను మోహన్ బాబు భారీ ఎత్తున నిర్మిస్తున్నారు. ముఖేష్ కుమార్ సింగ్ దర్శకత్వం వహిస్తున్న ఈ చిత్రానికి కెమెరామెన్‌గా ప్రఖ్యాత హాలీవుడ్ సినిమాటోగ్రాఫర్ షెల్డన్ చౌ, యాక్షన్ డైరెక్టర్ కెచా ఖంపక్డీతో సహా ఆకట్టుకునే అద్భుతమైన టీం పనిచేస్తోంది. ఆకర్షణీయమైన విజువల్స్, అద్భుతమైన కథ, కథనాలతో సినిమా అలరించనుంది.
December 2024 #Kannappa ???? #HarHarMahadev
— Vishnu Manchu (@iVishnuManchu) July 18, 2024