మాస్ కా దాస్ విశ్వక్ సేన్ నటించిన రీసెంట్ మూవీ ‘లైలా’ మంచి బజ్‌తో రిలీజ్ అయ్యింది. ఈ సినిమాను దర్శకుడు రామ్ నారాయణ్ డైరెక్ట్ చేయగా ఈ సినిమాలో విశ్వక్ తొలిసారి ఓ లేడీ గెటప్‌లో నటించాడు. పోస్టర్స్, టీజర్, ట్రైలర్ ప్రేక్షకుల్లో సినిమాపై ఆసక్తిని క్రియేట్ చేశాయి. ఇక ఫిబ్రవరి 14న ప్రేమికుల రోజు కానుకగా ఈ చిత్రం థియేటర్లలో రిలీజ్ అయింది.
అయితే, సినిమా కంటెంట్‌లో దమ్ము లేకపోవడంతో ఈ మూవీ డిజాస్టర్‌గా నిలిచింది. ఇక ఇప్పుడు ఈ సినిమా ఓటీటీ స్ట్రీమింగ్‌కు రెడీ అయ్యింది. ప్రముఖ ఓటీటీ ప్లాట్‌ఫామ్ ఆహా ఈ ‘లైలా’ చిత్రాన్ని మార్చి 7 నుంచి స్ట్రీమింగ్ చేసేందుకు సిద్ధమైంది. దీంతో ఈ సినిమా ఓటీటీ ఆడియన్స్‌ను ఆకట్టుకుంటుందని మేకర్స్ ఆశిస్తున్నారు.
ఆకాంక్ష శర్మ హీరోయిన్‌గా నటించిన ఈ చిత్రానికి లియోన్ జేమ్స్ సంగీతం అందించాడు. షైన్ స్క్రీన్స్ బ్యానర్‌పై సాహు గారపాటి ఈ చిత్రాన్ని ప్రొడ్యూస్ చేశారు. మరి ఓటీటీలో ఈ సినిమాకు ఎలాంటి రెస్పాన్స్ దక్కుతుందో చూడాలి.