మాస్ కా దాస్ విశ్వ‌క్ సేన్ ఇటీవ‌ల ”గ్యాంగ్స్ ఆఫ్ గోదావ‌రి” అనే సినిమాతో ప్రేక్ష‌కుల ముందుకు రాగా, ఈ సినిమా బాక్సాఫీస్ ద‌గ్గ‌ర యావ‌రేజ్ మూవీగా నిలిచింది. ఇక ఈ సినిమా త‌రువాత నెక్ట్స్ మూవీ షూటింగ్ లో ఇప్ప‌టికే పాల్గొంటున్నాడు ఈ హీరో. ర‌వితేజ ముళ్ల‌పూడి డైరెక్ట్ చేస్తున్న ఈ సినిమాకు ‘మెకానిక్ రాకీ’ అనే టైటిల్ ను ఫిక్స్ చేశారు.
ఈ సినిమాలో విశ్వ‌క్ సేన్ పాత్ర మాస్ గా ఉండ‌నుండ‌టంతో ఈ సినిమాను ఎప్పుడెప్పుడు చూద్దామా అని అభిమానులు ఆసక్తిగా ఎదురుచూస్తున్నారు. అయితే, ఈ సినిమా ఇంకా షూటింగ్ ద‌శ‌లోనే ఉండ‌గా, ఈ చిత్ర థియేట్రిక‌ల్ బిజినెస్ క్లోజ్ అయ్యింది. ఈ చిత్రానికి సంబంధించిన ఆలిండియా రైట్స్ ను ఏషియ‌న్ సురేష్ డిస్ట్రిబ్యూట‌ర్స్ దక్కించుకున్నారు. అయితే, ఈ సినిమా డీల్ ను వారు రూ.8 కోట్ల‌కు క్లోజ్ చేసినట్లుగా వార్త‌లు వినిపిస్తున్నాయి.
ఇక ఈ సినిమాను దీపావ‌ళి కానుక‌గా రిలీజ్ చేసేందుకు మేక‌ర్స్ ప్లాన్ చేస్తున్నారట. ఈ సినిమాలో మీనాక్షి చౌద‌రి హీరోయిన్ గా నటిస్తోండ‌గా జేక్స్ బిజోయ్ సంగీతం అందిస్తున్నాడు. ఇక ఈ సినిమాను ఎస్ఆర్టీ ఎంటర్టైన్మెంట్స్ బ్యాన‌ర్ పై రామ్ తాళ్లూరి ప్రొడ్యూస్ చేస్తున్నారు.
