యంగ్ హీరో విశ్వక్ సేన్ తదుపరి మెకానిక్ రాకీ చిత్రంలో కనిపించనున్నాడు. అక్టోబర్ 31 వ తేదీన వరల్డ్ వైడ్ గా థియేటర్ల లో రిలీజ్ కాబోతున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. తాజాగా విశ్వక్ సేన్ కొత్త చిత్రానికి సంబంధించిన ప్రకటన వెలువడింది.
విశ్వక్ సేన్ ను దర్శకుడు కేవీ డైరెక్ట్ చేయనున్నారు. VS14 అనే టైటిల్ తో తెరకెక్కుతున్న ఈ చిత్రాన్ని ప్రముఖ నిర్మాణ సంస్థ అయిన పీపుల్ మీడియా ఫ్యాక్టరీ బ్యానర్ పై నిర్మించనున్నారు. భీమ్స్ సిసిరోలియో సంగీతం అందించనున్నారు. మేకర్స్ ఈ వివరాలను పోస్టర్ ద్వారా వెల్లడించారు. ఈ చిత్రం ఎప్పుడు స్టార్ట్ అవుతుంది, నటీనటులు మరియు ఇతర సాంకేతిక నిపుణుల వివరాలు తెలియాల్సి ఉంది.
