నూతన దర్శకుడు సాగర శైలేశ్ దర్శకత్వంలో భీమవరం టాకీస్ అధినేత తుమ్మలపల్లి రామసత్యనారాయణ గారు నిర్మస్తున్న చిత్రం ‘రహస్యం’. కాగా సెన్సషనల్ డైరెక్టర్ వి .వి.వినాయక్ చేతుల మీదుగా రహస్యం చిత్రం ఫస్ట్ లుక్ పోస్టర్ ను లాంచ్ చేసారు. ఈ సందర్భంగా వి.వి.వినాయక్ మాట్లాడుతూ.. ఇలా కొత్త టాలెంట్ ని సపోర్ట్ చేస్తూ.. వారి సినిమా ఫస్ట్ లుక్ పోస్టర్ ను రిలీజ్ చెయ్యటం చాలా ఆనందంగా ఉంది. ఈ చిత్ర నిర్మాత తుమ్మలపల్లి రామసత్యనారాయణకు ఈ చిత్రబృందానికి ఆల్ ది బెస్ట్ అని తెలిపారు.
తుమ్మలపల్లి రామసత్యనారాయణ, షార్ట్ ఫిలిమ్స్ ద్వారా తమ ప్రతిభను చూపించిన నూతన దర్శకుడు సాగర శైలేశ్ కి డైరెక్టర్ గా అవకాశమిచ్చి ఈ చిత్రాన్ని నిర్మిస్తున్నారు. ఈ చిత్రంలో కొత్త నటీనటులను కూడా పరిశ్రమకు పరిచయం చేస్తుండటం విశేషం. కాగా శ్రీ రితిక హీరోయిన్ గా నటిస్తోన్న ఈ చిత్రంలో ఓ ముఖ్యమైన పాత్రలో జబర్దస్త్ అప్పారావు తదీ తరులు నటించారు.
ఈ చిత్రానికి కెమెరా బాధ్యతలు అక్కినపల్లి సుధాకర్ నిర్వహిస్తుండగా, కబీర్ రఫీ సంగీతం సమకూరుస్తున్నారు. సాగరశైలేశ్ దర్శకత్వంతో పాటు రచన బాధాతలను చేపట్టారు.