మన టాలీవుడ్ లెజెండరీ హీరో మెగాస్టార్ చిరంజీవి హీరోగా శృతి హాసన్ హీరోయిన్ గా మాస్ మహారాజ రవితేజ మరో సాలిడ్ రోల్ లో నటించిన లేటెస్ట్ భారీ హిట్ సినిమా “వాల్తేరు వీరయ్య”. దర్శకుడు కొల్లి బాబీ తెరకెక్కించిన ఈ చిత్రం తన కెరీర్ లోనే బిగ్గెస్ట్ హిట్ కాగా మెగాస్టార్ కెరీర్ లో కూడా అతి పెద్ద ప్రాఫిట్స్ ఇచ్చిన సినిమాగా కూడా నిలిచింది. అయితే రీసెంట్ గానే ఈ సినిమా దిగ్గజ ఓటిటి యాప్ నెట్ ఫ్లిక్స్ లో స్ట్రీమింగ్ కి వచ్చిన సంగతి తెలిసిందే.
మరి వచ్చిన ఈ ఒక్క రోజులోనే వాల్తేరు వీరయ్య అదరగొడుతున్నాడు. ఇప్పుడు ఈ సినిమా నెట్ ఫ్లిక్స్ అయితే ఇండియా వైడ్ టాప్ 10 ట్రెండింగ్ లిస్ట్ లో నెంబర్ 1 స్థానంలో ట్రెండ్ అవుతూ నిలిచింది. దీనితో థియేటర్స్ తర్వాత ఓటిటి లో కూడా వీరయ్య హవా కనబరుస్తున్నాడని చెప్పాలి. ఇక ఈ సినిమాకి దేవిశ్రీ ప్రసాద్ సంగీతం అందించగా మైత్రి మూవీ మేకర్స్ నిర్మాణం వహించిన సంగతి తెలిసిందే.
