కొంచెం విరామం తీసుకున్నా కూడా మన టాలీవుడ్ కి చెందిన ప్రముఖ నిర్మాణ సంస్థ వైజయంతి మూవీస్ వారు వరుస హిట్స్ తో టాలీవుడ్ లో మరోసారి సత్తా చాటుతున్నారు. అలాగే తాజాగా ప్రభాస్ తో పాన్ ఇండియా సెన్సేషనల్ హిట్ “కల్కి 2898 ఎడి” తో కొట్టి అదరగొట్టారు. ఇలా ప్రస్తుతం ఫుల్ ఫామ్ లోకి మళ్ళీ వైజయంతి మూవీస్ రాగా వీరి నుంచి మరిన్ని చిత్రాలు రానున్న రోజుల్లో రాబోతున్నాయి.
అయితే వీరి నిర్మాణ సంస్థలో అనౌన్స్ చేసిన ఓ యువ హీరో సినిమా ఏమయ్యిందో ఇప్పుడు సస్పెన్స్ గా మారింది. మన టాలీవుడ్ వెటరన్ హీరో శ్రీకాంత్ తనయుడు యువ హీరో రోషన్ హీరోగా “ఛాంపియన్” అనే సినిమాని మేకర్స్ గత ఏడాది అనౌన్స్ చేశారు. కానీ ఈ సినిమా అనౌన్స్ చేసి ఈ ఏడాది మార్చ్ తోనే సంవత్సరం దాటిపోయినప్పటికీ ఇంకా ఎలాంటి కదలిక ఈ సినిమా విషయంలో లేదు.
మరి కల్కి సినిమా మీదనే ఎక్కువ దృష్టి ఉండడం వల్ల పక్కకి వెళ్లిందా లేక అసలు సినిమా ఉందా లేదా అనేది మాత్రం ఇంకా తెలియరాలేదు. మరి ఈ సినిమాపై ఏమన్నా క్లారిటీ వస్తుందేమో చూడాలి. ఇక ఈ చిత్రాన్ని ప్రదీప్ అద్వైతం దర్శకత్వం వహిస్తుండగా మిక్కీ జే మేయర్ సంగీతం అందిస్తున్నారు.