సూపర్ స్టార్ మహేష్ బాబు ఓ సినిమా కోసం మేకప్ వేసుకుని ఇప్పటికే దాదాపు 10 నెలలైంది. మహేష్ చివరిసారిగా పెద్ద తెరపై కనిపించి ఇప్పటికే 8 నెలలు అయ్యింది. దర్శక ధీరుడు రాజమౌళి తదుపరి చిత్రానికి మహేష్ గ్రీన్ సిగ్నల్ ఇచ్చినా ఇప్పటి వరకు ఆ సినిమాకి సంబంధించి ఎలాంటి పురోగతి లేదు. చిత్ర రచయిత విజయేంద్ర ప్రసాద్ కథకు సంబంధించి కొన్ని అప్ డేట్ లు ఇవ్వడం మినహా, రాజమౌళి నుంచి మాత్రం ఈ సినిమాకి సంబంధించి ఇంకా ఎలాంటి అధికారిక ప్రకటన రాలేదు. అటు రాజమౌళి కూడా ఓ సినిమాకు పనిచేసి దాదాపు రెండేళ్లు కావస్తోంది.
ఈ నేపథ్యంలో మహేష్ సినిమాని రాజమౌళి త్వరగా స్టార్ట్ చేసి.. అంతే త్వరగా ఫినిష్ చేయాలని ఫ్యాన్స్ కోరుకుంటున్నారు. ఎలాగూ 2024లో 60% ఇప్పటికే పూర్తి అయ్యింది కాబట్టి, రానున్న రెండు, మూడు నెలల్లో అయినా మహేష్ సినిమా షూటింగ్ ప్రారంభమైతే బాగుంటుందని ఫ్యాన్స్ ఆశిస్తున్నారు. ఎలాగూ రాజమౌళి షూటింగ్, పోస్ట్ ప్రొడక్షన్ కోసం 2 సంవత్సరాలు తీసుకుంటాడు. ఈ లెక్కన 2026 ఎండింగ్ లోనైనా తమ హీరో సినిమా రిలీజ్ అయితే బాగుండు అని మహేష్ ఫ్యాన్స్ పోస్ట్ లు పెడుతున్నారు. ఇంతకీ, మహేష్ సినిమా పై రాజమౌళి ఎప్పుడు అప్ డేట్ ఇస్తాడో చూడాలి.
