టాలీవుడ్ లెజెండరీ హీరో మెగాస్టార్ చిరంజీవి హీరోగా కాజల్ అగర్వాల్ హీరోయిన్ గా బ్లాక్ బస్టర్ దర్శకుడు కొరటాల శివ తెరకెక్కిస్తున్న భారీ బడ్జెట్ చిత్రం “ఆచార్య”. సాలిడ్ అంచనాలతో తెరకెక్కుతున్న ఈ చిత్రంలో మెగాపవర్ స్టార్ రామ్ చరణ్ కూడా ఒక కీలక పాత్రలో కనిపిస్తున్నాడు. అలాగే మరో స్టార్ హీరోయిన్ పూజా హెగ్డే హీరోయిన్ గా నటిస్తుంది. ఇలా క్యాస్టింగ్ తోనే మంచి హైప్ తెచ్చుకున్న ఈ చిత్రంలో మరో కీలక అంశం కోసం మెగా ఫ్యాన్స్ ఎప్పటి నుంచో ఎదురు చూస్తున్నారు.
అదే ఈ సినిమా సంగీతం విషయంలో..చిరు మరియు సెన్సేషనల్ మ్యూజిక్ డైరెక్టర్ మణిశర్మ కాంబో అంటే ఎలాంటి క్రేజ్ ఉందో తెలిసిందే. అందుకే ఈ ప్రాజెక్ట్ అనౌన్సమెంట్ టైం లోనే భారీ హైప్ వచ్చింది. ఇక ఇదిలా ఉండగా ఈ సినిమా ఫస్ట్ సింగిల్ కోసం లాస్ట్ కొన్ని రోజుల నుంచీ మంచి రచ్చ లేస్తుంది. ఈ మహాశివ రాత్రి కానుకగా ఫస్ట్ సింగిల్ వస్తుందని బజ్ వచ్చింది కానీ ఇంకా ఒక రోజే గ్యాప్ ఉన్నప్పటికీ మేకర్స్ నుంచి ఎలాంటి అప్డేట్ లేదు. దీనితో అసలు సాంగ్ వస్తుందా లేదా అన్నది ప్రశ్నార్ధకంగా మారింది. మరి దీనిపై మేకర్స్ ఎపుడు క్లారిటీ ఇస్తారో చూడాలి.