టాలీవుడ్ సహా కోలీవుడ్‌లోనూ మంచి క్రేజ్ ఉన్న స్టార్ హీరోయిన్స్‌లో కీర్తి సురేష్ కూడా ఒకరు. తమిళ్‌లో కంటే తెలుగులోనే ఎక్కువ పాపులారిటీని కీర్తి సురేష్ సొంతం చేసుకుంది. ప్రస్తుతం ఈ రెండు భాషలతో పాటు హిందీలో కూడా కీర్తి సినిమాలు చేస్తోంది. ఇక తాజాగా ఆమె నటిస్తున్న తమిళ చిత్రం ‘రఘు తాత’ రిలీజ్‌కి సిద్ధమైంది.
అయితే ఈ సినిమాను కేవలం తమిళంలోనే రిలీజ్ చేసేందుకు మేకర్స్ ప్లాన్ చేస్తున్నారు. తెలుగులో ఈ సినిమాను విడుదల చేయడం లేదని తెలుస్తోంది. తెలుగులో కీర్తికి మంచి ఫేమ్ ఉంది. అటుపై ఈ చిత్రాన్ని ‘కేజీయఫ్’, ‘కాంతార’ లాంటి భారీ హిట్స్ అందించిన ప్రముఖ నిర్మాణ సంస్థ హోంబలే ఫిల్మ్స్ ప్రొడ్యూస్ చేస్తున్నారు. ఇలాంటి కాంబినేషన్‌లో వస్తున్న సినిమాను తెలుగులో ఎందుకు విడుదల చేయడం లేదా అనేది ఆసక్తికరంగా మారింది.
ఈ నిర్మాణ సంస్థ నుంచి వచ్చిన దాదాపు అన్ని సినిమాలు తెలుగులో రిలీజ్ చేస్తున్నారు. కానీ ‘రఘు తాత’ సినిమాను మాత్రం తెలుగులో ఎందుకు రిలీజ్ చేయడం లేదో వారికే తెలియాలని అభిమానులు అంటున్నారు. ఇక ఈ చిత్రాన్ని దర్శకుడు సుమన్ తెరకెక్కించగా, ఆగస్టు 15న ఈ చిత్రం విడుదల కానుంది.
