నందమూరి బాలకృష్ణ వారసుడిగా మోక్షజ్ఞ ఎంట్రీకి రంగం సిద్ధమైంది. మోక్షజ్ఞ డెబ్యూ మూవీని దర్శకుడు ప్రశాంత్ వర్మ డైరెక్ట్ చేస్తుండటంతో ఈ సినిమాపై అప్పుడే అంచనాలు క్రియేట్ అవుతున్నాయి. ఇక ఈ సినిమాను మోక్షజ్ఞ పుట్టినరోజు సందర్భంగా సెప్టెంబర్ 6న గ్రాండ్ లాంచ్ చేసేందుకు సిద్ధమవుతున్నారు.
అయితే, ఈ సినిమాలో నందమూరి బాలకృష్ణ నటిస్తాడా.. అంటే అవుననే టాక్ వినిపిస్తోంది. ఈ చిత్రాన్ని మైథలాజికల్ మూవీగా దర్శకుడు ప్రశాంత్ వర్మ తెరకెక్కించబోతున్నాడని.. ఈ సినిమాలో శ్రీకృష్ణుడి పాత్రలో బాలయ్య కనిపిస్తాడనే టాక్ సినీ సర్కిల్స్‌లో చక్కర్లు కొడుతోంది. గతంలోనూ బాలయ్య శ్రీకృష్ణుడి పాత్రలో కనిపించి మెప్పించాడు. దీంతో ఇప్పుడు మరోసారి ఆ అవతారంలో బాలయ్య కనిపిస్తాడని వార్తలు వస్తుండటంతో నందమూరి అభిమానులు తమ హీరోను ఈ గెటప్‌లో చూసేందుకు ఆసక్తిగా ఉన్నారు.
ఇక ఈ సినిమాను ఎస్‌ఎల్‌వి సినిమాస్ బ్యానర్‌పై సుధాకర్ చెరుకూరి ప్రొడ్యూస్ చేస్తున్నారు. మరి తనయుడి సినిమాలో బాలయ్య నిజంగానే కనిపిస్తాడా అనేది తెలియాలంటే అఫీషియల్‌గా అనౌన్స్ చేసే వరకు వెయిట్ చేయాల్సిందే.
