అక్కినేని నాగచైతన్య హీరోగా నటిస్తున్న లేటెస్ట్ మూవీ ‘తండేల్’పై ప్రేక్షకుల్లో భారీ అంచనాలు క్రియేట్ అయ్యాయి. ఈ సినిమాను దర్శకుడు చందు మొండేటి డైరెక్ట్ చేస్తుండటంతో ఈ మూవీ బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. ఇక ఈ సినిమా రిలీజ్ డేట్‌ను పలుమార్లు వాయిదా వేసిన మేకర్స్, తాజాగా ఈ చిత్రానికి సంబంధించిన కొత్త రిలీజ్ డేట్‌ను అనౌన్స్ చేశారు.
‘తండేల్’ చిత్రాన్ని ఫిబ్రవరి 7న గ్రాండ్ రిలీజ్ చేస్తున్నట్లు చిత్ర యూనిట్ తెలిపింది. దీంతో ఈ సినిమాను సోలో రిలీజ్‌తో బాక్సాఫీస్ దగ్గర బ్లాక్‌బస్టర్ హిట్ చేయాలని మేకర్స్ భావిస్తున్నట్లు తెలిపారు. ఇక తాజాగా జరిగిన ప్రెస్ మీట్‌లో ‘తండేల్’ చిత్రాన్ని ఎలాగైనా వంద కోట్ల క్లబ్‌లో చేరేలా చూస్తామని నిర్మాత బన్నీ వాస్ కామెంట్ చేశాడు. దీంతో ఈ సినిమా నిజంగానే వంద కోట్ల మార్క్ టార్గెట్‌తో రిలీజ్ కానుందా అని అభిమానులు ఆసక్తిగా చూస్తున్నారు.
ఇక ఈ సినిమాలో అందాల భామ సాయి పల్లవి హీరోయిన్‌గా నటిస్తోండగా, దేవిశ్రీ ప్రసాద్ సంగీతాన్ని అందిస్తున్నాడు. ఈ సినిమాలో చైతూ-సాయి పల్లవి కాంబినేషన్ ప్రేక్షకులను అమితంగా ఆకట్టుకుంటుందని మేకర్స్ కాన్ఫిడెంట్‌గా ఉన్నారు.