గ్లోబ‌ల్ స్టార్ రామ్ చ‌ర‌ణ్ న‌టిస్తున్న లేటెస్ట్ మూవీ ‘గేమ్ ఛేంజ‌ర్’ క్రిస్మ‌స్ కానుక‌గా ప్రేక్ష‌కుల ముందుకు రాబోతున్న‌ట్లు మేక‌ర్స్ వెల్ల‌డించారు. ఇక ఈ సినిమాను స్టార్ డైరెక్ట‌ర్ శంక‌ర్ తెర‌కెక్కిస్తుండ‌గా, అందాల భామ కియారా అద్వానీ హీరోయిన్ గా నటిస్తోంది. ఈ సినిమా రిలీజ్ కాక‌ముందే, చ‌ర‌ణ్ త‌న నెక్ట్స్ ప్రాజెక్టును అనౌన్స్ చేసిన సంగ‌తి తెలిసిందే.

‘ఉప్పెన’ సినిమాతో బ్లాక్ బ‌స్ట‌ర్ హిట్ ఇచ్చిన ద‌ర్శ‌కుడు బుచ్చిబాబుతో చ‌ర‌ణ్ త‌న కెరీర్ లోని 16వ సినిమాను తెర‌కెక్కించ‌నున్నాడు. RC16 అనే వ‌ర్కింగ్ టైటిల్ తో తెర‌కెక్కనున్న ఈ సినిమాపై సినీ స‌ర్కిల్స్ లో ఓ వార్త చ‌క్క‌ర్లు కొడుతోంది. ఈ సినిమా రెగ్యుల‌ర్ షూటింగ్ సెప్టెంబ‌ర్ లో ప‌ట్టాలెక్కే అవ‌కాశం ఉన్న‌ట్లుగా తెలుస్తోంది. ఈ సినిమాలో చ‌ర‌ణ్ ఓ స‌రికొత్త గెట‌ప్ లో క‌నిపిస్తాడ‌ని.. దీనికోసం ఆయ‌న గెడ్డం, జుట్టు పెంచే ప‌నిలో ఉన్నాడ‌ని టాక్ వినిపిస్తోంది.

అనుకున్న గెట‌ప్ రాగానే, ఈ సినిమా షూటింగ్ ను స్టార్ట్ చేసేందుకు మేక‌ర్స్ రెడీ అవుతున్నార‌ట‌. ఇక ఈ సినిమాలో అందాల భామ జాన్వీ క‌పూర్ హీరోయిన్ గా న‌టిస్తోండ‌గా ఆస్కార్ విజేత ఏఆర్.రెహ‌మాన్ ఈ సినిమాకు సంగీతం అందించ‌నున్నారు. మ‌రి ఈ సినిమా షూటింగ్ నిజంగానే సెప్టెంబ‌ర్ లో స్టార్ట్ అవుతుందా అనేది వేచి చూడాలి.